കുഞ്ഞു പ്രായത്തില്‍
കളി മണ്ണ് കുഴച്ച് കളിവീട് ഉണ്ടാക്കി
മുതിര്‍ന്നപ്പോള്‍
മലകള്‍ കുഴച്ച് വീട് ഉണ്ടാക്കി
വയല്‍ കുഴച്ച് കളിയിടം ഉണ്ടാക്കി
കാടുകള്‍ കുഴച്ച് കൂടുണ്ടാക്കി
വഴികള്‍ കുഴച്ച് പൂജാലയമുണ്ടാക്കി
വീടുകള്‍
വീടുകള്‍
വീടുകള്‍
ഹാ!
വഴിയില്ലാ വയലില്ലാ കാറ്റില്ലാ വെളിവില്ലാ
ഞങ്ങള്‍ ആകാശത്ത് വിതച്ചു
ഇടിമിന്നലും പേമാരിയും അതിവെയിലും കൊയ്തു
കടലില്‍ വിതച്ചു
സംഹാര തിരകള്‍ കൊയ്തു
ഭൂമിയില്‍ വിതച്ചു
ഉരുള്‍ പൊട്ടല്‍ കൊയ്തു
കൊയ്തവ നനച്ചു കെട്ടി
വിത്ത് ആക്കുകയാണ് ഇപ്പോള്‍
No comments:
Post a Comment