സീമന്തിനി

കര്ക്കടക്കൊയ്ത്തു

കുഞ്ഞു പ്രായത്തില്‍

കളി മണ്ണ് കുഴച്ച് കളിവീട് ഉണ്ടാക്കി

മുതിര്‍ന്നപ്പോള്‍

മലകള്‍ കുഴച്ച് വീട് ഉണ്ടാക്കി

വയല്‍ കുഴച്ച് കളിയിടം ഉണ്ടാക്കി

കാടുകള്‍ കുഴച്ച് കൂടുണ്ടാക്കി

വഴികള്‍ കുഴച്ച് പൂജാലയമുണ്ടാക്കി

വീടുകള്‍

വീടുകള്‍

വീടുകള്‍

ഹാ!

വഴിയില്ലാ വയലില്ലാ കാറ്റില്ലാ വെളിവില്ലാ

ഞങ്ങള്‍ ആകാശത്ത് വിതച്ചു

ഇടിമിന്നലും പേമാരിയും അതിവെയിലും കൊയ്തു

കടലില്‍ വിതച്ചു

സംഹാര തിരകള്‍ കൊയ്തു

ഭൂമിയില്‍ വിതച്ചു

ഉരുള്‍ പൊട്ടല്‍ കൊയ്തു

കൊയ്തവ നനച്ചു കെട്ടി

വിത്ത് ആക്കുകയാണ് ഇപ്പോള്‍

പാഠം

ചായം കൊണ്ടവന്‍ വരച്ചു
ഗുരു ചായങ്ങള്‍ തട്ടിത്തെറിപ്പിച്ചു
വിരല് കൊണ്ടവന്‍ വരച്ചു
ഗുരു വിരലു ഛെദിച്എടുത്തു

കൈപ്പത്തി കൊണ്ടവന്‍ വരച്ചു
ഗുരു അത് അറുത്തെടുത്തു
കൈകുറ്റി കൊണ്ടവന്‍ വരച്ചു
ഗുരു അതും മുറിച്ചെടുത്തു

കാല്‍,ചുണ്ട്,നെഞ്ചു,ശിരസ്സു കൊണ്ടവന്‍ വരച്ചു
അവയോരോന്നും ഗുരു പറിച്ചെറിഞ്ഞു

ഉടല് കൊണ്ടല്ല ഉയിര് കൊണ്ടാണ്
ചിത്രം വരക്കേണ്ടത്
എന്നവന്‍ അറിഞ്ഞു

വര

നിലവിളികള്‍ക്കിടയില്‍
തിര തിമിങ്ങലത്തെ കരയില്‍ എറിഞ്ഞു
കരയില്‍ നിന്നു തീവണ്ടിയെ പിഴുതെടുത്തു

മനുഷ്യര്‍ എഴുതുന്നു
തിര മായ്ക്കുന്നു
ദൈവം എഴുതുന്നു
പിശാച് മായ്ക്കുന്നു
മനുഷ്യനെയും ദൈവത്തെയും പിശാചിനെയും
കടല്‍ മായ്ക്കുന്നു

കടലിനെ മായ്ച്ചു കളഞ്ഞു
സൂര്യന്‍ സ്വയം വരയ്ക്കുന്നു

പകരം

ചില നേരങ്ങളില്‍
പൂവുകള്‍ വസന്തത്തിനു പകരം നില്ക്കും
ചിയ നേരങ്ങളില്‍
ഓര്‍മ്മകള്‍ പൂവുകള്‍ക്ക് പകരം നില്ക്കും
ചില കാലങ്ങളില്‍
മയില്‍ പീലികള്‍ ഓര്‍മ്മകള്‍ക്ക് പകരം നില്ക്കും
ചില സമയങ്ങളില്‍
പൂവുകള്‍ മഴവില്ലുകള്‍ക്ക് പകരം നില്ക്കും

എല്ലായ്പോഴും
നീ
എല്ലാറ്റിനും പകരം നില്ക്കും

എന്നാല്‍
ഒരു കാലത്തും നിനക്കു പകരമായി
ഒന്നും ഉണ്ടാകയില്ല
നിന്റെ പ്രണയത്തിനു പകരമായി
ഈ പ്രപഞ്ചത്തില്‍
ഒന്നും
ഒരിക്കലും
ഉണ്ടാകയില്ല

ഉള്ള്‌

ബെഡ് റൂം, കിച്ചന്‍ ,സിറ്റ് ഔട്ട്
അട്ടാച്ട് ഗസ്റ്റ്‌ റൂം ഇങ്ങനെ
ചെലോത്ത് പണി തീര്‍ത്തിട്ടും
വീടായതില്ല മാളിക

രസം

ഹഹ..ഹഹ..ഹാ..ഹാ...ഹാ
ഹെന്തൊരു... തമാശ ദൈവമേ..
തീയില്‍ വീണോരാ ചെക്കന്റെ
പിടച്ചില്‍...ആക്രോശം... ആ ..ഹാ ഹാ...